英超，世界最顶级嘅联赛？

睇返欧洲足协嘅系数，高踞榜首嘅系西甲，有 98.856 分，远远抛离第二位嘅德甲嘅 77.749 分，始终近十年嘅巴塞皇朝加上马德里双雄都有出色表现，令西甲一枝独秀。之后第三位嘅系 74.284 分嘅英超，紧随其后嘅系 70.439 分嘅意甲。英超同意甲争 4 分唔够，好似好易追，但事实又系唔系呢？咁要追得上，都要意甲球队有好表现先得。环顾意甲，真系称得上欧洲一级劲旅嘅，就得祖云达斯一队；罗马、拿坡里、 费伦天拿感觉俾人好感，但一同其他班霸比较就现晒形；而米兰双雄处于中衰期，都要几年时间调整先可以重拾光辉。要意甲追过英超真系有啲难。

不过讲真，英超又系唔争气嘅，而家几队名牌球队一出欧洲比赛，就会发现唔系人地 果皮。笔者爱队车路士今季内乱严重，加上球员质素比全盛时期差，又欠缺斗志、队型，完败俾巴黎圣日耳门；阿仙奴个别位置同其他欧洲豪门争太远，加上始终缺 乏精神领袖，面对大热门巴塞只能专心联赛；淨返嘅曼城都唔系好好多，今季水准唔稳定，加上阵容老化，唯一可喜嘅系，今季再进一步入到八强，打破心理关口， 球员心理质素应该愈来愈好，下季成绩应该可以更为乐观。而下季，李斯特城、热刺两队如无意外应该成为欧联初哥，新鲜感系有，但系成绩就好难乐观喇！

英超欧洲成绩差，有人归咎英超太激烈，好难好似巴塞、拜仁、圣日耳门咁可以专心 欧战。虽然有一定道理，不过笔者觉得英格兰足总大责任啲，一来球队比赛太多，联赛、联赛盃、足总盃，加上无歇冬期，球队好难成季保持好表现，只能够作出取 捨，牺牲部分比赛；二来成日迁就电视转播，搞到球队备战时间不足，好似阿仙奴上周日先踢完足总盃，比周六踢完联赛、兼唔驶长途跋涉嘅巴塞少休息一日，临场 要再谷得起就比较难，呢啲咁嘅安排都唔系第一次出现。

英超球队要再次称霸欧洲，名牌球队系时候坐低落黎，正视下球队问题，睇下战略部署、球员质素、青训、战术各环节有羊不足，奋发图强，加上足总改革，咁先唔驶年年雷声大雨声小咁出晒局！

手机互联网第一神卡：100多款APP应用免流的流量卡,免费送上门，优惠活动中~~~咨询客服专员！！！