【千奇百趣】东京发现全世界最细寿司

千奇百趣请俾趣！今日带大家嚟到浅草雷门嘅「寿司店 - 野八」，表面上佢只系一间平平无奇嘅寿司店，实际上佢有全世界最最最细嘅寿司！细到得一粒饭！ 我直头要俾十个趣啊！！！   担心一粒饭寿司会食唔饱？你可以放心，因为「寿司店 - 野八」呢度，可以品嚐到正宗嘅江户前寿司，而江户前寿司其中一个特点，就系以新鲜美味嘅鱼鲜食材来製作握寿司，包你食到舐舐脷 我拜访之前，专程透过电话同师傅预约，希望可以食到一粒饭寿司（因为一粒饭寿司一般只系特别节庆、情人节提供㗎咋），点知师傅唔单止一口答应，更特别提早开门，等我可以一人独霸全世界最最最细嘅寿司添！好荣幸啊哗哈哈 *最新资料：一般消费满5000円，都可以问下师傅有冇一粒饭寿司（免费）但最好避免繁忙时间order喇   拥有神乎其技嘅刀工，创作一粒饭寿司嘅寿司师傅池野弘礼 > 一粒饭寿司 「寿司店 - 野八」系区内有名嘅高级寿司店，唔少老顾客、同业都会嚟品嚐江户前手握寿司（因为今日系师傅提早开门，所以先暂时未有其他客人） 一粒饭寿司 > 到底点解会创作出一粒饭寿司㗎呢？师傅表示，寿司店 - 野八早就提供小寿司，原因系日本有个节庆 - 女儿节，一啲日本家庭会系娃娃摆饰前，放置散寿司、蛤蛎汤等节庆必吃的食物，而小寿司就系为呢类型嘅拜祭而设。有一日，有个客人问师傅：「到底寿司可以做到几细呢？」，寿司师傅池野弘礼，就慢慢研究到底可以做到几细，慢慢就变成今日嘅一粒饭寿司喇！ 一粒饭寿司 比 一粒饭寿司 睇唔睇得出有羊寿司？ 一粒饭寿司   由左上开始：吞拿鱼、左口鱼、拖罗、北寄贝 左下：海胆、八爪鱼、玉子、子薑 一粒饭寿司   全世界最细嘅岛系边度？细到睇唔到！ 一粒饭寿司   呀！终于睇到你喇！ 一粒饭寿司   好坚持就算得一粒饭都要点豉油，见唔见到玉子上面有紫菜，好细緻啊！