香港十大最好味米线店

2016-04-19 14:40:47admin来源:史上最网
讲起米线,大家好快就会谂起谭仔、三哥、或者南记,但其实香港仲有好多食米线嘅好地方!有啲米线小店都今时今日都可以生存到,咁多年嚟都有人支持同捧场,就证明佢的依然好有吸引力!今次,小编就话畀大家知香港十大(谭仔 / 三哥 / 南记以外)必食米线店喺边啦!


1. 「全宇宙最好食」隐世米线高手

好多网友话如果未吃过呢间嘅米线,就唔好同人讲自己食过最好味嘅米线!因为呢间米线原来唔只系「全港最好食」,更加系「全宇宙最好食」!酸辣汤底超惹味, 叫人一试就上瘾,必食配料系鸡丝同腩肉!前者每日由店员手撕,腩肉好入味带啲辣,又有口感。店舖位于工业区同住宅区内,但除左附近嘅人识嚟搵之外,有唔少 米线迷都山长水远走去食!你唔识佢?快啲去拜访下啦!

温馨提示:呢度嘅「辣」绝非一般嘅辣,落单嗰时记得问清楚喇。

香港十大最好味米线店
图片来源: kochhichi215 @IG

云南小锅米线
地址:葵涌梨木道112号地下5舖



2. 贴近云南风味嘅米线

回忆中嘅味道永远都系最美好,最怀念嘅。如果你喺云南食过米线,你一定会觉得系最好味嘅。以为香港食唔到嗰种味,其实系荃湾闹市裡面有一间米线好接近云南 嘅风味!米线系店舖自製,比工厂出品更加爽口。汤底酸而辣,考虑到多人锺意辣,所以混合左川贵辣风味,满足嗜辣人士。汤底加入唔少香料,令人食得更开胃! 喜欢辣嘅你,呢间就系你嘅「唯一」喇。

香港十大最好味米线店
图片来源:emmypyho @IG

唯一云贵川风味
地址:荃湾四陂坊14号地下 



3. 坊间少见捞米线

唔讲唔知,荃湾可以话系米线店集中地。同一条街内,行几步就有一间,或者转个弯,又有!真系多到连啲名都记唔到。不过,小编觉得一定要识呢间。大家平时都 系食汤米线,其实捞米线都好好食!平时配汤嘅米线都几弹牙,捞完之后更加弹牙,而且唔会出现变「稔」嘅情况,够爽,够乾身!香港唔系好多地方有得食架咋! 呢间啲汤米线一样好出色,去开就试晒佢的啦! 

香港十大最好味米线店
图片来源:foodki-ako @IG、dongyiiii @IG (左起)

川味美食
地址:荃湾四坡坊富利达中心地下F1舖(近众安街城市中心)



4. 云南特产红米线?

米线除了汤和配料之外,最重要的一定是米线。你会问,米线都有唔同?唔讲唔知,原来有红米线的。店主採用家乡出产嘅红米线,口感虽然无平时嘅米线咁烟韧,但就软身啲,而且红米比普通白米有更多营养。酸辣汤底,先酸后辣但不呛喉,值得一试。

香港十大最好味米线店
图片来源:mandymanlovefood @IG

云南第一旺红米线
地址:太子界限街恒顺大楼39号铺地下



5. 连酸度都有得拣嘅米线

尖沙咀舖租贵,但星林居一样「企得住」,实力一定有返咁上下。平时食米线只系有辣度拣,但呢度除左有得拣辣度之外,连酸嘅程度都可以拣,真系够体贴。个汤 底有酸有辣,但又唔会抢左对方嘅味,唔错。听讲职员服务态度一般,不过,小编认为,只要大家去食嗰时,落单快而淮就无问题喇!

香港十大最好味米线店
图片来源:charmainephua @IG

星林居云南米线餐厅
地址:尖沙咀乐道23号地下A舖



6. 配料够特别的米线

黄鳝就食得多,小编孤陋寡闻,还是第一次香港有得食黄鳝米线!除左有黄鳝呢类特别配料之外,呢度亦提供独有嘅酸汤汤底畀唔食得辣嘅客人。酸菜系店家自製嘅,所以味道同平时食嘅唔同,唔会太酸或者太盐,恰到好处。而炸酱都系自製,真系超有诚意! 

香港十大最好味米线店
图片来源:alicetingyct @IG

云南风味馆
地址:深水埗兴华街27C



7. 唔食辣都会爱上嘅麻辣米线

有时,人真系好矛盾。唔食开辣,都可以为左试呢个麻辣米线而破戒!呢度嘅麻辣米线汤底辣得嚟有啲甜甜的,好特别。唔想又酸又甜嘅话,可以拣独有嘅麻椒汤 底,食完条脷真系有「麻痺」嘅感觉,真心正,岩晒锺意辣但唔好酸嘅朋友。食到最后先发现,呢度嘅麻辣汤底感觉无平时食嘅咁油腻,估计系无加辣油!少油左, 感觉都健康啲!

香港十大最好味米线店
图片来源:alexiswhung @IG

麻辣川米线
地址:长沙湾元州街213号美居中心商场地下22号舖



8. 老外主理羊汤米线

喜欢吃羊肉嘅你喺香港应该好难搵到间满意嘅食肆,因为好少地方嘅羊肉做得出色。唔少锺意食羊肉嘅人会选择返内地食,或者食羊架……但西餐食羊始终唔同风 味。而喺观塘闹市,竟然出现左一间由澳洲人打理嘅羊汤米线舖。唔少食过嘅人都话好有羊味!汤底好清,但鲜甜无比,亦有酸辣汤拣。羊肉系用山上,够晒骚,锺 意羊肉嘅人一定食得开心!

香港十大最好味米线店
图片来源:taste_food_taste_life @IG

云南啊老表黑羊汤米线
地址:观塘开源道68号观塘广场地下G26-27号舖



9. 抵食足料米线

之所以话抵食,系因为呢度嘅米线除左有平时嗰啲芽菜呢类配菜之外,仲会附有半隻滷水蛋!虽然唔系好贵,但起码都会令你多少少饱肚感。必食嘅配料有「乐林猪 软骨」!份量唔少,入口又够稔,而且好入味!呢个小锅米线大大碗,但都只系$25(配料另计)!除左清汤(加辣)和麻辣之外,仲可以拣捞米线或者蕃茄肉碎 汤呢。

香港十大最好味米线店
图片来源:DollyLing @Openrice

乐林小锅米线
地址:鰂鱼涌滨海街11号地下



10. 鲜为人知美味鱼汤米线

配搭米线嘅汤底除左猪骨汤、鸡汤同羊汤之外,原来仲可以配鱼汤!讲起鱼汤米线,大家一定系谂起荃湾区嗰间连个名都有五条鱼嘅鱼鱻鱼汤专门店。不过,小编今 次想推介比较少人知但煮得一样出色嘅另一间。鱼川米线店虽然无咁出名,但「原条鱼米线」系鱼汤米线 FANS 嘅必试 item!鱼唔系好大条,放喺米线上面,皮略煎香,肉质够鲜!碗内嘅鱼腐唔系普通货色,似系自己用鲜鱼同豆腐手打而成。鱼汤呈奶白色,入口鲜甜,鱼味浓 郁!正! 

香港十大最好味米线店
图片来源:[email protected]

鱼川米线
地址:湾仔太原街7号地下



CLASSES 话你知

虽然大家都讲「云南米线」,但根据香港食物规格资料库嘅资料显示,原来喺香港食到嘅米线竟然有九成都唔系嚟自云南,而系江西,因为当地有工厂大规模生产米线,云南就反而无喇!

手机互联网第一神卡:腾讯应用免流的流量卡,免费送上门,优惠活动中~~~戳下图!!!

网站首页 超级最牛 世界之最 最排行榜 最牛发明 吉尼斯最 中国十大 世界十大 最奇葩事 最牛视图

Copyright © 2008-2020 ;史上最牛,每日牛谈资讯

内容,广告,资源,产品,合作- QQ:569400131

粤ICP备13064609号-2