對抗炎夏秘密武器: 迷你葵扇

这几日天气酷热，但作为一个走在时代尖端嘅地球人，用电实在OUT突！我有秘密武器──「迷你葵扇」！佢只系得手掌咁细，劲可爱。只要轻轻一拨，肯定马上引黎众人羡慕目光。嘿嘿，因为：哥拨的不是风，是态度。

无错啦无错啦，就算几热都好，为环境著想，大家都系用少D电啦。其实自己拨扇有好多好处呢！

劲LIKE小葵扇原因：

1. 葵扇、纸扇、圆扇、摺扇，咁多款式实唔会同人撞
2. 拨扇是手部运动，一个夏天落黎，仲唔同拜拜肉讲拜拜？
3. 可以自行决定风力大细
4. 自己拨又得，帮人拨又得，两三个人把扇都绝对无问题，得左！
5. 一把用上两三年，耐用又环保
6. 轻身，便携，随身带多把俾男/女朋友，仲唔温柔体贴攞满分？
7. 丰俭由人，几蚊至几十蚊把都有
8. 葵扇、竹扇物料够天然，质感凉快，即使弃置亦易于分解
9. 纸扇、摺扇可以发挥创意，用报纸杂志纸皮DIY
10. 回忆童年，寻回童真，细细个，边个未用过手拨扇？
11. 摇风纳凉在古时看来系风雅之事，文青潮流点可以唔跟？
12. 无止境用电增加排碳，亦是令气温持续上升的原因啦，所以手拨扇其实是为自己也为地球，一起宣扬一种有型的环保态度吧

嬲猪手提电风扇原因：

1. 耗电！耗电！耗电！增加碳排放，令酷热天气变恶性循环
2. 即使充电池，也浪费金钱、时间和电力，而且电池分解会释出有毒有害物质，危害环境
3. 几数元一个，但劲易坏，产生好多废胶，弃置的话要花数百年分解！
4. 太重，女士手袋细，不方便
5. 大部分都中国製造，没听过XX的会爆炸吗？

呢把小葵扇系地球人嘅珍藏兼好朋友（其实仲有两把好靓嘅竹扇-_,-），唔知大家有冇用开嘅手拨扇呢？影张相黎分享下丫 ^_^v

手机互联网第一神卡：免费领取流量卡,免费送上门！优惠活动中~~~戳下图！！！