葡萄牙有哪些千奇百趣 葡国菜、球星C朗、葡挞··

讲起呢期最红国家，肯肯定系岩岩捧走欧洲国家盃嘅葡萄牙，但大家对佢嘅印象，可能只系澳门葡国菜、靓仔球星C朗、葡挞，同埋......讲唔出喇。等小编讲5个葡萄牙有趣位你知。

1. 葡文好架势

葡萄牙人口1000万，国土得半个广东咁大，但葡文却系世界第6大语言，全球有超过2亿人用紧。事关几百年前葡萄牙帝国船坚炮利，曾对巴西、乌拉圭、缅甸、澳门、马六甲等全球46个地方殖民统治。葡文今日仲系巴西、澳门、东帝汶等地嘅官方语言，单系巴西已近2亿人讲葡文。

2. 葡挞嚟自葡萄牙？

葡 挞系嚟自里斯本。19世纪初，当地有间修道院，修女用蛋白浆熨衫，淨返嘅蛋黄唔好嘥，拎嚟焗挞。1820年，葡萄牙爆发自由革命，修女要卖葡挞帮补生计， 生意好到开专卖店，直到今日只此一家，日日排长龙。呢间老店出品嘅葡挞叫pastel de nata，秘方绝不外传，澳门食到嘅葡挞，都系抄袭佢。

3. 葡萄牙人名堪称世界最烦

葡 萄牙名閒閒的4、5个字组成，长起上嚟10个字都有。除左本人称呼，仲加入圣人、祖先、名人名，同母姓父姓。以C朗为例，全名系Cristiano Ronaldo dos Santos Aveiro，Cristiano系个名，Ronaldo来自爸爸偶像美国前总统列根的名字Ronald，妈咪姓Santos，爸爸姓Aveiro。

1853 年登基嘅葡萄牙国王佩德罗五世，全名系「Pedro de Alcântara Maria Fernando Miguel Rafael Gonzaga Xavier João António Leopoldo Vítor Francisco de Assis Júlio Amélio de Saxe-Coburgo-Gotha e Bragança」，长到似乱码。

4. 葡萄牙周围都系靓靓瓷砖

葡萄牙嘅瓷砖彩绘非常出名，系任何一座城市嘅大街小巷，都可以欣赏到瓷砖彩绘，最劲系几乎无花纹重複。瓷砖更是葡国人日常用品，招牌、路牌、门牌、餐具、居家装饰，都系用瓷砖造，里斯本仲有一间瓷砖博物馆，收藏完整葡萄牙瓷砖彩绘史。

5. C朗原来系乡下仔

巨星C朗唔喺葡萄牙大城市出世，而系嚟自非洲西岸嘅葡属岛屿马德拉岛(Madeira)，佢11岁先到里斯本加盟球队士砵亭，当时口音唔正，成日俾人笑系乡下仔，但今日已名成利就。C朗亦带旺马德拉岛旅游业，当地有大大个C朗雕像，仲有C朗博物馆，迟啲仲有C朗邮轮路线。

想睇多啲葡萄牙趣人趣事，梗系趁暑假出发去当地旅行！参加美丽华旅游葡萄牙9天团 ()，坐英航或瑞航去首都里斯本，带你参观宏伟嘅贝倫塔，见证葡萄牙帝国昔日嘅辉煌航海历史，游览被誉为葡萄牙凡尔赛宫嘅「克魯斯皇宫」，顺便去百年老店，食返个正宗葡挞。

之后转战砵酒之乡「波图」，一边饮住砵酒，一边坐渡河船漫游杜羅河，欣赏三座桥美景，仲有得参观砵酒厂，酒窖，一于饮个够。旅行团仲会带你去宗教城市拉布加，坐缆車登上耶稣山，睇吓同葡国最靓教堂「圣稣山顶大教堂」，最后仲会去埋猪城，品嚐当地葡式烤乳猪，yummy！

嫌9日唔够喉？美丽华仲有葡萄牙、西班牙皇牌12天团 ，除左葡萄牙仲带你过埋隔离西班牙，玩转巴塞隆那、萨拉戈莎、马德里、塞维尔。想知多啲详情，可以上美丽华旅游网页。

手机互联网第一神卡：100多款APP应用免流的流量卡,免费送上门，优惠活动中~~~咨询客服专员！！！