《城寨英雄》女神林颖彤自爆恐怖穷史

因在热播剧《城寨英雄》中饰演被强姦惨死的「鑫鑫」，23岁小花林颖彤（Bella）劲多人讨论，成为新一代女神，广告、商演陆续有来，一个月极速 赚到六位数，搵到钱仲有钱剩，「鑫鑫」好满足：「其实有冇能力置业，能否做女一亦唔重要，就算继续做屋邨妹我都一样咁开心，最紧要畀到单亲妈咪一个安稳嘅 生活，两母女唔使再为钱担惊受怕。」

林 颖彤凭《城寨英雄》「鑫鑫」一角吸纳好多Fans，唔少留言激讚表现出色，连带工作量同收入都倍增。不过Bella上位后生活依旧，收工返屋企陪妈咪，唔 使开工日子会去做运动，唔会乱使钱，继续悭妹本色：「自细家境唔好，爸爸婚外情离家，留低两姊妹同妈妈相依为命，妈咪母兼父职辛苦养家，所以我喺10岁开 始做童星，中学时期做过眼镜店Sales同Model半工读帮补家计，17岁入TVB做艺员。好记得读书时期长期被同学欺凌，同学唔Like我做 Model，认定我扮晒野，上堂时会传阅我影嘅Model相嚟品评，又拎住我做童星时嘅新闻去取笑我，对我冷嘲热讽，虽然我好有性格唔理佢的，但系唔好受 嘅，所以喺学校冇乜朋友，平日只有一两个『死党』喺身边。」

2009 年梦想成真入到TVB做艺人，原来系噩梦开始：「因为头两年得六千蚊人工，仲要畀半份粮妈咪做家用，乜都要悭住使，甚至要问朋友惜衫借鞋开工，有时拍完野 艺人吹鸡去Gathering，因为冇钱唯有返屋企，自然埋唔到堆；又因为冇钱搭的士，开夜索性留喺电视城度宿，就算唔太方便都冇法。做艺人唔系想像中咁 简单，系要带钱打工，最惨一次计错数，公司突然叫我粮尾日子开工，我连屋企去电视城嘅车费都冇，又唔想伸手问妈咪拎，最后要变卖张负数八达通卡，拎住仅有 嘅46蚊做车马费，穷成咁谂起都好鬼惊。好彩年前《爱回家》嘅『酸妹』救我一命，开始有搵钱Job接，呢啲额外收入渐渐改善生活环境，其实两母女只系追求 基本生活（家姐已出嫁），o依家妈咪生活安定，我已好满足，暂时我仲未有能力置业搬离葵芳屋邨，反正我都住左喺度23年，同街坊都好熟，唔怕品流複杂，唔 少街坊仲喺妈咪面前讚我好戏。」

对 于「鑫鑫」得到大家喜爱，Bella话好开心。「有赖剧本、剪接同埋前辈演员嘅帮助，如果唔系剧中爸爸戏好做到够贱格，大家都唔会觉得『鑫鑫』身世咁可 怜。视后胡定欣好照顾我，除喺社交网站发文讚我做得好，拍完嗰场被轮姦戏，佢急急叫人畀条裤我披住下身先，怕我会冻亲。最有印象拍拉铁笼勇救爸爸嗰场，因 为烈日当空，拍左大半日终于体力不支，头晕眼花几乎晕低，吓亲定欣，当时剧组马上扶我坐喺监製櫈，又斟水我饮兼且帮我捽药油嚟救醒我，虽然休息一阵可以开 番工，但经此一役提醒自己要好好做运动锻炼体能，做文戏都咁吃力，第日接拍动作戏点算好？我希望将来可以试多啲唔同角色，好似做吓癫婆，甚至有机会唱吓剧 集主题曲、做吓舞台剧等。」

手机互联网第一神卡：100多款APP应用免流的流量卡,免费送上门，优惠活动中~~~咨询客服专员！！！